>
الهوى واصل السهر والدمع واللوعه قرابه
والعذاب اصبح ولد عم الحزن والحب عمه
عائله ضمت جميع اللي بها صاروا صوابه
جرحهم واحد وكلن يشتكي من نزف دمه
والهنوف اللي خذت عقلي ولا ردت جوابه
ماخذه عقلي وتلعب فيه وتودع فيه همه
عقلي وقلبي وروحي كلهم صاروا غلابه
وانت يابعد الخلايق صاحبك منت بيمه
صاحبك هاويك جد وذاق لعيونك عذابه
عاجبك كنه يتيم يمسح الدمعه بكمه
وعاجبك عايش حياته بين شك وارتيابه
وعاجبك لاجن ليله وجاته همومه تضمه
اسمعي مني صراحه وانتظر رد الجوابه
وافرضي شيء بقوله صاحبك شيء يهمه
افرضي اسمع ولدك ينادي لغيري يابابا
وقتها ما اظن بيجيني ولد ينادي امه
كلمات الشاعر :: أسآمه الخثلان
>