كفايه تعرف انى بحبك

كفاية تعرف إني بحبك و كفاية أحلف دايما بحبك
الفكر يجمع البعد بينا و أعيش سعيد إنك فاكرني
و يغني قلبي لو إتقابلنا و يبان عليا وده غصب عني

و كفاية تعرف

و كفاية عيني في الكون تشوفك لو غبت عني مرة بجمالك
في البدر أشوف نورك و طيفك و في كل زهرة ألمح خيالك

و كفاية تعرف

يا هنايا لما النسيم يشوفك يحس قلبك و ألمس كفوفك
يفرح فؤادي لما أقابلك و أناجي حسنك مش بس رسمك

و كفاية تعرف

و في يوم يبان لك إخلاص هوايا ووجد قلبي و طول سهادي
و تحب تسمع صوتي و غنايا و أقدر أبوح لك و أشرح ودادي