ترى بكره يجي دورك بالمسرحيه -

ناس تفضح!!
ناس لاترحم!!
ناس ترقص على جروح الغير!!
ناس تعشق الشماته!!
لاحول ولاقوة الا بالله
ناس ماتخاف الله
ترى الدنيا دواره وبكره يجي دورك
ليه نتشمت على الناس ليه نفضحهم ونشيع فضيحتهم
ليه مانستر وربنا عز جلاله أمرنا بالستر ليه نضحك ونفرح
بفضيحة الناس كثير لايعي مايقول !!
حرام عليكم ياناس تحبون الفضايح
الشماته تسري بدمكم ليه بس؟
وش الفايده من نشر الفضيحه ؟
اليوم تشمت بالناس بكره يشمتون فيك كلن بيأخذ نصيبه.
كثير من الناس لايكتمون الفضايح يعشقون التجريح ونشر الغسيل
ليه مانستر علشان ربنا يستر علينا احنا واهلنا
حرام والله اللي نشوفه ناس ماتقدر مشاعر الغير تجرح ولا تهتم
ناس همها تضحك وتحرج في وقت واحد وماتحمد ربها!!
في ناس لمن تعرف انه هالشخص يقرب لشخص مسوي جريمه أو أي عمل مايشرف
ليه مانراعي هالشخص ليه نفضح فيه قدام الملا؟
ليه مانراعي شعوره ليه نحرجه ونجرحه علشان ولد عمه او ولد خاله سوى هالشي؟
ليه مانكتم ونستر ؟
ناس تفتقد للاسلوب وحسن التصرف ناس جهلاء مايعرفون
من الدنيا الا الضحك ومايهمهم الا الرقص على جروح الاخرين !!
ماحد بالدنيا معصوم من الخطا كلن يخطي لكن الاصعب تكرار الخطا
وربنا غفورآ رحيم ويحب التوابين لكن في ناس تحب الشماته !!
عجيب حال هالناس يقولون كلام ومايعرفون أبعاده واضراره وردة الفعل راح تكون حقد دفين وراح تتطور
ويتلوث الجو من سموم هذه الشماته ليه ماندعي ربنا
انه يغفر الذنب لكل مذنب ونواسيهم بدل مانفضحهم
كثير نشوف ونسمع الفضايح من الناس وناس فرحانه بفضيحة ناس مستغرب !!
وبصوت عالي أقول
أستر على ماواجهت ولاتفضح
ترى بكره يجي دورك بالمسرحيه !!