لها فقط

موضوع: لها فقط 2013-05-03, 17:15

لها فقط
.

اشتقت اضمك وآتنفس حنانك
.........................واغفى على صدرك واناغي خلاياك
وارسم على وجه اشتياقي عشانك
.........................العمر يضحك كل ما كنت وياك
لي طار من بين الشفايف جنانك
.........................كن الصدر والقلب شرفه وشباك
مثل الطفل تحرج بضحك زمانك
.........................وتبعثر العابك بهالقلب وأشياك
وليمن تثنى ف الصدر خيزرانك
.........................آغص/ وأشرق/ وارتبك /وآتمناك
ما عاد يطرب مسمعي غير دانك
.........................تذكر..عروقي يوم ترقص لمغناك؟!
اطلقت لخيول الاماني عنانك
.........................واسابق اسراب السوالف على شفاك
وشلون ينبت ف الضلوع أقحوانك
.........................يا ريحة اشواق المحبين لباك :
عاشق فناجينه تبي زعفرانك
.........................وما صب قهوة لوعته غير يمناك
مشتاق اضمك وآتنفس حنانك
.........................واغفى على صدرك وتسهر خلاياك
.
.
.

موضوع: رد: لها فقط 2013-05-05, 19:05

السلام عليكم ورحمة الله و بركاته
كل الشكر والتقدير لك على مشاركتك الرائعه والمميزه
وعلى هذا الموضوع الذي قمت بطرحه علينا
ومتمنياتي لك بالتوفيق ومواصلة التميز معنا
وفي انتظار جديدك إن شاء الله
لا تحرمنا من ما تقدمه
تقبلـ مروري
تحياتي