آنآ ممن : جـنـسـي : مـشـاركـاتـي : 6675مزآجي ككيف ؟ : مـشـروبـي الـفـضـل : احترام قوانين المنتدى :
موضوع: الضحكة هناك من جـوة الجوف (مشروعنا أشتقت ليك) 2013-05-03, 17:41
أشتقت اليك يا موطني الصغير أشتقت اليكم يا أحبابي يا أصدقائي يا جيراني أشتقت الي كل من مر بحياتي كالعادة وأثناء تصفحي عبر صفحات الفيس بوك لفتت أنتباهي هذه الصورة وأعادتني للبلد رقم انني غير متأكد أن كانت من داخل المشروع أم خارجة ولكن كل مافيها يدل علي أنها من داخل أرضنا الخضراء لست وحدي كثيرون أن لم يكن جميعهم فالاغلبية في الغربة يستمعون بكل شغف لاغاني أخواننا الشايقية خاصة الامبراطور محمد النصري الذي يغني من داخلة وتعبر أغانية الي القلب مباشرة من دون جواجــز
كلمات اغنية الحسن محمد النصري
وقفت بعد حلبت لبينة الشاي تكورك يا الحسن يا ام الحسن وينو الحسن ولمن صفت رغوة شخيبات اللبن في حلتا المبنية من طبق السكن واقفه في حوش البهايم ولسع تكورك يا الحسن
وتلاوي في الحمل العنيد جاها حساً من بعيد مارق من القاطوع ورا قال ليها خير يا الحاجه خير قالتلو خير تعال لي جاي دايراك تعنون لي جواب يا الراسي لولدي الخدير لا تبقي زي شافع السرير يقول لي زين آيمة زين وزين تبقي بعد شهير وان جاني يكتب فد سطير اقولو يا سجم السجم انا زي قرايتك ما قريت لكن عويناتي بيفرزن الوريقة البيضاء من لون القلم
بعد المغيرب بي شوي جاها الحسن تعبان يسير العشى غنمو من الدرب وسرقت ندي وشو الهجير سوتلو شاياً بي لبن قرض معاهو حرف فطير قالتلو بسم الله قول واكتب وصيتي انا للخدير
الزمن يا ولدي ماحقاهو السنين البعيش في الدنيا ما بعيش مرتين العمير فاضل لي بس منو اليقين وانت طوّل في البنادر يا الحبيب لا متين تعال اوريك حق ابوك الجم حقيق حاج اللمين ان عرفتو بلا عمار يقولو ولداً عندو طين العلاج لا تنسي رسلو لي دحين العوينات يا جناي شوفن ضنين سلامنا ليك مطرز للبنيات والبنين ولو الارض يا ولدي تنشال في الايدين انا كت برسلا ليك في لوري الخزين
موضوع: رد: الضحكة هناك من جـوة الجوف (مشروعنا أشتقت ليك) 2013-05-05, 18:59
السلام عليكم ورحمة الله و بركاته كل الشكر والتقدير لك على مشاركتك الرائعه والمميزه وعلى هذا الموضوع الذي قمت بطرحه علينا ومتمنياتي لك بالتوفيق ومواصلة التميز معنا وفي انتظار جديدك إن شاء الله لا تحرمنا من ما تقدمه تقبلـ مروري تحياتي
موضوع: الضحكة هناك من جـوة الجوف (مشروعنا أشتقت ليك) 
2013-05-03, 17:41
