ليل الموآدع والعيد الى جابه

ليل الموآدع والعيد الى جابه

مساء وصباح الخير لاعضاء تعب قلبي الحلوين والظاهر نصكم وجه يخرع ههههههه

البارح كنت اكلم اخوي وكنت تعبان بالحيل وانا اكلمه غفيت وجبت العيد كالعاده فحبيت اقول لكم اعيادي قبل عيد الفطر هههه

اتصل اخوي علي
الو قلت هلا
قال هلا بالغالي وين مشتاق لك اني لابطي ماقال لي الغالي

قال وينك ماتتصل على اخوك اكبر منك لي اسبوعين ماكلمت
قلت ياخي عمل وتعب والمعذره يالغالي

والمهم واسولف معه وانا نايم ع فراشي وتعبان
ووصلت لمرحله الهذيان

وهو قاعد يسولف وانا اقول له حرب الكويت والعراق متى كانت والله مو حاس بنفسي شكل المرابطه اثرت علي وبعدها مادري وش قلت لين قمت الصباح لين جوالي جنبي
ومرسل رساله ع الواتسب يضحك ههههههههه
ويوم صحيت قلت علمني وش قلت قال قلت كلام كثير وقاعد يضحك ورفض يعلمني هههههه شكلي خربتها
وبقول لكم العيد الثاني نيابه عن عيد الضحيه ههههههه

مره كنت في جده سياحه وانا صديقي وكنا في مطعم ماكدونز
وبعد ماكلنا رحت اغسل وتعرفون مغاسل هالمطعم ضيقه
المغسله قريبه من الباب

ويجي هاك المطوع ويدف الباب ويلمس ظهري بس مو قوه
وقال اسف مااقصد
اما انا طلع عرق النذاله فيني


وانا احط يدي ع ظهري واقعد اصيح اه اه اه والرجال مستغرب سلامات وش فيك
قلت ضربتني على مكان العمليه وانا اطلع في الصاله واجلس على اول كرسي واقعد اتالم اه اه وهو عندي وين عمليتك واطالع في خوي لينه طايح على الطاوله ميت ضحك

والناس تجي سلامات سلامات وهو يقول اوديك للمستشفى
وانا اتالم واتوجع عايش الدور


وفي الاخير جاي خوي وعيونه حمر من كثر ماضحك قال خلاص انا اوديه لاتخاف قال اروح معك قال خوي لا مايحتاج

وحنا نطلع من المطعم وسط اناظر الناس بين مستغرب وحائر ومنهم خاف علي

ويوم ركبنا السيارة وانا افطس ضحك يمقن عشر دقايق
بعد هاصحى الضمير الحي فيني وقلت حرام خوفت الرجال


بعدها قررت اروح اعتذر منه خوي رفض وقال فكنا منك ممكن يزعل ويعصب وتصير مشكله قلت يصير الى يصير بروح اعتذر

وانا انزل وخوي يراقب الموقف من بعد الرخمه هههه

وانا ادخل المطعم والناس تناظر هذه الى توه تعبان وطايح يمشي
وانا اروح للرجال وقلبي يرجف
وكان ياكل النذل ياكل ماكنه مسوي لي شي

يوم شافني قال هلا كيفك قالت له انا ترا كنت امثل عليك
وهو يفقع ضحك والمطعم كله يضحك الى قبل دقايق كلهم خايفين

وانا استسمح منه واطلع لاخويي الرخمه وانا اضحك
صراحه ماتوقع رده الفعل ذي منه بس الله ستر


ياللا ابي ردود سنعه وحلوه مثلكم