امام البحر قاعد وقت المغربيه !!
امام البحر قاعد وقت المغربيه
والشمس راح تغرب كمان شويه
وشوف وقت الغروب والشمس علي البحر نازله
وضؤها علي البحر عاكسه
وبتاع الفرسكا عمال ينادي مين شاري ومين نادي
والواد عمال يتنطط والموجه فرحانه
والبحر بطبعو غدار يغري الولد يخليه يعوم منغير انتظار
والبنت الاسكندرانيه اه علي البنت الاسكندرانيه
علي الشط ماشيه
والميه في رجليها خابطه
ورجليها في الرمل غارزه
وهوا مطير شعرها ونظرتها آتله
تدوب الحجر زي ما سرحت في مشيتيك ونظرتك ليا
نسيت ساعتها وقت الغروب بس اول ما مشيتي افتكرت وقت الغروب
حسيت اني كان ممكن ادوب
رجعتي تاني لفت نظري وانتباهي
معرفش ايه حكايه البحر معاكي
آه علي البنت الاسكندارنيه
(محمد سعيد)
موضوع: امام البحر قاعد وقت المغربيه !! 
2012-11-30, 21:13
