من روعة الشعر السودانى

الزمن يا ناس بقي عجيب
بقي يشيل مننا ما بيجيب
ولينا يلسع زي الدبيب
يا كريم يا حي يا مجيب
الحكاية بقت تعجب
الصدق راح فضل الكذب
والنفاق في السوق بجقلب
الولد للوالدين يسب
وللمعدلو ابوهو يخرب
اختو في البيت ما بتغنب
وان نضمت الام تتلب
يا بناتنا كدي النحتجب
ولينا الله يجيب الخطيب
التمر بالامراض اصيب
والضرع جف من الحليب
الارض زاتا بدت تشيب
وفي مخازنا الفول ضرب
الكلام الاصبح غريب
الفلس ساكن كل جيب
نمشي في البيت هاك جيب وجيب
اليلاقيك كلو يحسب
بقي اخوك الليك قريب
ولي ازاك يفتش يجيب
المرض نمشيبو الطبيب
للعلاج بقي ما بيستجيب
الحبل راح والعنقريب
والسعن وين والمشلعيب
انتو شوفو حكاية النسيب
الطلاق بقي عندو مو عيب
من فضائيات الغرب
المصلح بداء يتخرب
لا نفارق نختى الدرب
دينا ما بيسمح باللعب
يا الرسول الدست الحجب
امتك فوق جمرا يهب
الوضع اصبح ملتهب
وكل يوم في الاسلام ضرب
لي نفوسنا كدي النعاتب
ولي دعانا الله بيستجيب
ــــــــــــــــــــــــــــــــــــــــــــــــ
الله يصلح المعووج