اروع ماقيل من الشعر السودانى (2)

قلت أرحل
التجاني سعيد

قلت أرحل ..
أسوق خطواتي من زولاً نسى الإلفة
أهوِّم ليل
أساهر ليل
أتوه من مرفى لي مرفى
ابدل ريد بعد ريدك(حبك)
عشان يمكن يكون اوفي
رحلت وجيت
في بعدك لقيت
كل الأرض منفى

عيونك زي سحاب الصيف تجافي بلاد وتسقي بلاد
وزي فرحاً يشيل مني الشقا ويزداد
وزي كلمات بتتأوّه.. تتوه لمن يجي الميعاد

وزي عيدا غشاني وفات عاد عمّ البلد أعياد
وزي فرح البعيد العاد
وزي وطناً وكت اشتاقلو برحل ليهو من غير زاد
بدون عينيك بصبح زول بدون ذكرى وبدون ميلاد
رحلت وجيت
في بعدك لقيت
كل الأرض منفى

زمان الفُرقة والتجريح بسِيبُو عشان تشيلو الريح
بسيبو عشان صحيح الذكرى بتّوِّه عمرنا صحيح
وانتِ معايا لا بندم ولا بقضي العمر تبريح
أصلو العمر شوقا ، حزنا كان وصبرا كان فسيح وفسيح
أصلو العمر كان دربا مشيتو كسيح
وكان غرسا سقيتو بكى وقبضت الريح
رحلت وجيت
في بعدك لقيت
كل الأرض منفى

دائما متميز في الانتقاء
سلمت على روعه طرحك
نترقب المزيد من جديدك الرائع
دمت ودام لنا روعه مواضيعك

لكـ خالص احترامي

» اروع ماقيل من الشعر السودانى (1)
» من روعة الشعر السودانى
» أجمل ماقيل في الحب
» الشعر العربي الفصيح - الشعر العربي
» من جميل الشعر وحلو الكلام